ਦੁਨੀਆਂ ਦੇ ਨੰਬਰ ਇਕ ਖਿਡਾਰੀ ਰੋਜ਼ਰ ਫੈਡਰਰ ਨੇ ਸਾਲ ਦੇ ਪਹਿਲੇ ਗਰੈਂਡ ਸਲੈਮ ਆਸਟ੍ਰੇਲੀਅਨ ਓਪਨ ਟੈਨਿਸ ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ ਹੈ। ਫਾਈਨਲ ਵਿਚ ਉਸਨੇ ਬ੍ਰਿਟੇਨ ਦੇ ਐਂਡੀ ਮਰੇ ਨੂੰ ੬-੩, ੬-੪ ਅਤੇ ੭-੬ ਨਾਲ ਹਰਾਇਆ। ਇਹ ਫੈ਼ਡਰਰ ਦਾ ੧੬ਵਾਂ ਗਰੈਂਡ ਸਲੈਮ ਖਿਤਾਬ ਹੈ। ਫੈਡਰਰ ਨੇ ਇਹ ਖਿਤਾਬ ਚੌਥੀ ਵਾਰ ਜਿਤਿਆ ਹੈ।
ਫਰੈਡ ਪੇਰੀ ਤੋਂ ਬਾਅਦ ਕਈ ਬ੍ਰਿਟਿਸ਼ ਖਿਡਾਰੀ ਗਰੈਂਡ ਸਲੈਮ ਜਿੱਤਣ ਦਾ ਸਪਨਾ ਦੇਖ ਰਹੇ ਹਨ। ਪਰ ਫੈਡਰਰ ਨੇ ਐਂਡੀ ਮਰੇ ਦੇ ਇਸ ਸਪਨੇ ਨੂੰ ਢਾਹ ਢੇਰੀ ਕਰ ਦਿੱਤਾ। ਪਹਿਲੇ ਦੋ ਸੈਟਾਂ ਵਿਚ ਮਰੇ ਵਲੋਂ ਫੈਡਰਰ ਦ ੇ ਵਿਰੁੱਧ ਕੋਈ ਮੁਕਾਬਲਾ ਨਾ ਦਿਸਿਆ। ਪਰ ਤੀਜੇ ਮੈਚ ਵਿਚ ਉਸਨੇ ਕੁਝ ਸ਼ਾਟਸ ਵਧੀਆ ਖੇਡੇ ਅਤੇ ਮੈਚ ਨੂੰ ੭-੬ ਤੱਕ ਪਹੁੰਚਾਕੇ ਹਾਰ ਗਏ। ਇਕ ਸਮੇਂ ਤਾਂ ਉਹ ਤੀਜਾ ਸੈਟ ਜਿੱਤਣ ਦੇ ਕਾਫ਼ੀ ਕਰੀਬ ਪਹੁੰਚ ਗਿਆ ਸੀ।