ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਪਾਣੀ ਵਿਚ ਹੁੰਦੀ ਜਿੰਦ ਜਾਨ ਬੱਚਿਓ,

ਪਾਣੀ ਵਿਚ ਹੁੰਦੇ ਨੇ ਪ੍ਰਾਣ ਬੱਚਿਓ,

ਸਭ ਦੇ ਪ੍ਰਾਣ ਬਚਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਤੁਸੀਂ ਸਾਡੇ ਦੇਸ਼ ਦਾ ਭਵਿੱਖ ਹੋ,

ਸਭ ਕੁਝ ਹੁਣ ਤੁਸੀਂ ਸਿੱਖ ਲੋ,

ਫਜੂ਼ਲ ਪਾਣੀ ਵਰਤਣ ਵਾਲੇ ਨੂੰ ਰਾਹੇ ਪਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਜੇ ਨਲ ਖੁੱਲਾ ਛੱਡ ਮੰਮੀ ਹੋਰ ਕੰਮ ਕਰੀ ਜਾਵੇ,

ਬਾਲਟੀ ਤੋਂ ਪਾਣੀ ਬਾਹਰ ਐਵੇਂ ਡੁੱਲੀ ਜਾਵੇ,

ਮੰਮੀ ਨੂੰ ਵੀ ਤੁਸੀਂ ਸਮਝਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਫੁੱਲਾਂ-ਪੌਦਿਆਂ ਨੂੰ ਪਾਣੀ ਬਾਲਟੀ ਨਾਲ ਪਾਓ,

ਕਾਰ, ਗੱਡੀ ਆਦਿ ਸਭ ਬਾਲਟੀ ਨਾਲ ਨਹਾਓ,

ਵੱਡੀ ਸਾਰੀ ਪਾਈਪ ਨਾ ਚਲਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਸਬਜੀਆਂ ਧੋਵੋ ਪਾ ਕੇ ਬਾਲਟੀ ‘ਚ ਪਾਣੀ,

ਫੁੱਲਾਂ ਦੇ ਬਗੀਚਿਆਂ ‘ਚ ਪਾਓ ਉਹੀ ਪਾਣੀ,

ਪਾਣੀ ਲਈ ਫਰਜ ਨਿਭਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਮੋਟਰ ਚਲਾ ਕੇ ਟੈਂਕੀ ਭਰਦੇ ਨੇ ਜੋ,

ਪਾਣੀ ਭਰ ਜਾਵੇ ਮੋਟਰ ਬੰਦ ਕਰਦੇ ਨਹੀਂ ਜੋ,

ਤੁਸੀਂ ਕਹਿ ਕੇ ਮੋਟਰ ਬੰਦ ਕਰਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਜਿਸ ਪਾਣੀ ਨਾਲ ਕਰੋ ਸਾਫ-ਸਫਾਈ,

ਉਸ ਨਾਲ ਕਰੋ ਫੁੱਲਾਂ ਦੀ ਸਿੰਜਾਈ,

ਉਹ ਵੀ ਪਾਣੀ ਚੰਗੇ ਕੰਮ ਲਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਅੱਜ ਤੋਂ ਇਹ ਜਿੰਮੇਵਾਰੀ ਤੁਸੀਂ ਸਾਂਭ ਲਓ,

ਇਸ ਦੀ ਸ਼ੁਰੂਆਤ ਤੁਸੀਂ ਘਰ ਤੋਂ ਕਰੋ,

ਗੁਆਂਢੀਆਂ ਨੂੰ ਵੀ ਇਹ ਸਮਝਾਓ ਬੱਚਿਓ,

ਐਵੇਂ ਨਾ ਪਾਣੀ ਨੂੰ ਗਵਾਓ ਬੱਚਿਓ।

ਮੈਂਨੂੰ ਨਾ ਵਿਆਹੀਂ ਬਾਬਲਾ।

ਨਾ ਕਰੋ ਮੈਂਨੂੰ ਮਜਬੂਰ,

ਨਾ ਕਰੋ ਅੰਮੜੀ ਤੋਂ ਦੂਰ,

ਮੇਰੇ ਤੇ ਇਹ ਜੁਲਮ ਨਾ ਕਮਾਈਂ ਮੇਰੇ ਬਾਬਲਾ,

ਵਿਚ ਪ੍ਰਦੇਸਾਂ ਦੇ,

ਮੈਂਨੂੰ ਨਾ ਵਿਆਹੀਂ ਬਾਬਲਾ।

ਛੋਟੇ ਭੈਣਾਂ ਤੇ ਭਰਾਵਾਂ ਮੈਂਨੂੰ ਯਾਦ ਬੜਾ ਆਉਂਣਾ,

ਦੁੱਖ ਆਪਣਾ ਮੈਂ ਉੱਥੇ ਦੱਸੋ ਕਿਸ ਨੂੰ ਸੁਣਾਉਂਣਾ,

ਆਪਣਿਆਂ ਤੋਂ ਦੂਰ ਨਾ ਕਰਾਈਂ ਮੇਰੇ ਬਾਬਲਾ,

ਵਿਚ ਪ੍ਰਦੇਸਾਂ ਦੇ,

ਮੈਂਨੂੰ ਨਾ ਵਿਆਹੀਂ ਮੇਰੇ ਬਾਬਲਾ।

ਕੱਲੀ ਉੱਥੇ ਜਾਣਾ ਏ ਸਮੁੰਦਰਾਂ ਤੋਂ ਪਾਰ ਮੈਂ,

ਛੱਡ ਜਾਣਾ ਏਥੇ ਮੇਰਾ ਸਾਰਾ ਪ੍ਰਵਾਰ ਮੈਂ,

ਜਿੰਦੜੀ ਨੂੰ ਦੁੱਖੜਾ ਨਾ ਲਾਈਂ ਮੇਰੇ ਬਾਬਲਾ,

ਵਿਚ ਪ੍ਰਦੇਸਾਂ ਦੇ,

ਮੈਂਨੂੰ ਨਾ ਵਿਆਹੀਂ ਮੇਰੇ ਬਾਬਲਾ।

ਇੰਡੀਆ ‘ਚ ਜੰਮੀ ਅਤੇ ਇਥੇ ਵੱਡੀ ਹੋਈ,

ਪ੍ਰਦੇਸ ਬਾਰੇ ਮੈਨੂੰ ਜਾਣਕਾਰੀ ਵੀ ਨਹੀਂ ਕੋਈ,

ਇਹੋ-ਜਿਹੇ ਸੰਯੋਗ ਨਾ ਮਿਲਾਈਂ ਮੇਰੇ ਬਾਬਲਾ,

ਵਿਚ ਪ੍ਰਦੇਸਾਂ ਦੇ,

ਮੈਂਨੂੰ ਨਾ ਵਿਆਹੀਂ ਮੇਰੇ ਬਾਬਲਾ।

ਆਪਸ ‘ਚ ਨਹੀਂ ਮਿਲਣੇ ਵਿਚਾਰ ਸਾਡੇ ਬਾਬਲਾ,

ਉਨ੍ਹਾਂ ਦਾ ਏ ਵੱਖ ਸਭਿਆਚਾਰ ਮੇਰੇ ਬਾਬਲਾ,

ਮੇਰੇ ਕੋਲੋਂ ਜਾਣੀ ਨਹੀਂ ਨਿਭਾਈ ਮੇਰੇ ਬਾਬਲਾ,

ਵਿਚ ਪ੍ਰਦੇਸਾਂ ਦੇ,

ਮੈਂਨੂੰ ਨਾ ਵਿਆਹੀਂ ਮੇਰੇ ਬਾਬਲਾ।

ਰੁੱਖਾਂ ਨਾਲ ਅਸੀਂ ਹਾਂ ਜਿਉਂਦੇ,
ਇਹ ਸਾਨੂੰ ਆਕਸੀਜਨ ਦਿੰਦੇ,
ਆਕਸੀਜਨ ਦੀ ਮਾਤਰਾ ਵਧਾਈਏ,
ਵਾਤਾਵਰਣ ਸਾਫ ਬਣਾਈਏ।
ਹਰ ਸਾਲ ਇਕ ਦਰੱਖਤ ਲਗਾਈਏ।

ਕਾਰਬਨਡਾਇਕਸਾਈਡ ਇਹ ਖਾਂਦੇ ਨੇ,
ਆਕਸੀਜਨ ਸਾਨੂੰ ਦਿੰਦੇ ਨੇ,
ਆਉ ਆਪਣਾ ਫਰਜ ਨਿਭਾਈਏ,
ਵਾਤਾਵਰਣ ਸਾਫ ਬਣਾਈਏ।
ਹਰ ਸਾਲ ਇਕ ਦਰੱਖਤ ਲਗਾਈਏ।

ਗਰਮੀ ਵਿਚ ਰੁੱਖ ਛਾਂ ਦੇਵੇ,
ਜਿਵੇਂ ਸਹਾਰਾ ਮਾਂ ਦੇਵੇ,
ਆਉ ਠੰਡੀ ਛਾਂ ਬਚਾਈਏ,
ਵਾਤਾਵਰਣ ਸਾਫ ਬਣਾਈਏ।
ਹਰ ਸਾਲ ਇਕ ਦਰੱਖਤ ਲਗਾਈਏ।

ਭੂਮੀਖੋਰ ਤੋਂ ਬਚਾਅ ਨੇ ਕਰਦੇ,
ਉਪਜਾਊਪਨ ਬਰਕਰਾਰ ਨੇ ਰੱਖਦੇ,
ਆਉ ਧਰਤੀ ਤੇ ਸੋਨਾ ਉਗਾਈਏ,
ਵਾਤਾਵਰਣ ਸਾਫ ਬਣਾਈਏ।
ਹਰ ਸਾਲ ਇਕ ਦਰੱਖਤ ਲਗਾਈਏ।

ਵੱਧਦੀ ਜਾਂਦੀ ਜਿਵੇਂ ਅਬਾਦੀ,
ਦਰੱਖਤਾਂ ਦੀ ਵੀ ਲੋੜ ਜਿਆਦੀ,
ਮੰਗ ਅਨੁਸਾਰ ਪੂਰਤੀ ਵਧਾਈਏ,
ਵਾਤਾਵਰਣ ਸਾਫ ਬਣਾਈਏ।
ਹਰ ਸਾਲ ਇਕ ਦਰੱਖਤ ਲਗਾਈਏ।

ਹਰ ਬੰਦਾ ਹਰ ਸਾਲ ਇਕ ਦਰੱਖਤ ਲਗਾਵੇ,
ਕਦੇ ਕੋਈ ਮੁਸ਼ਕਿਲ ਨਾ ਆਵੇ,
ਆਉ ਭਵਿੱਖ ਸੁਰੱਖਿਅਤ ਬਣਾਈਏ,
ਵਾਤਾਵਰਣ ਸਾਫ ਬਣਾਈਏ।
ਹਰ ਸਾਲ ਇਕ ਦਰੱਖਤ ਲਗਾਈਏ।