ਮੁਖ ਦੱਗਦਾ ਸੀ ਅੱਗ ਵਾਗੂੰ ਅਤੇ ਤੇਗ ਮਾਰੇ ਚਮਕਾਰੇ ,
ਸੁਣ ਬੋਲ ਸਤਿਗੁਰਾਂ ਦਾ ਵਰਤੀ ਚੁੱਪ ਦੀਵਾਨ ਚ ਸਾਰੇ,
ਸਿਰ ਰੱਖ ਕੇ ਤਲੀ ਉਤੇ ਕੋਈ ਆ ਕੇ ਭੇਂਟ ਚੜਾਵੋ।
ਲੋੜ ੱਿੲਕ ਸਿਰ———————।

ਬੈਠੀ ਵਿੱਚ ਹੈਰਾਨੀ ਦੇ ਤੱਕ ਸਤਿਗੁਰਾਂ ਵੱਲੀ ਸੰਗਤ,
ਦੁੱਧ ਪੀਣੇ ਮਜਨੂੰਆਂ ਦੇ ਉਡਗੀ ਚੇਹਰੇ ਉਤੋ ਰੰਗਤ,
ਘਰ ਨਾਨਕ ਗੁਰੂ ਦੇ ਦਾ ਕੋਈ ਗੋਲਾ ਬਣ ਦਿਖਲਾਵੋ।
ਲੋੜ ਇੱਕ ਸਿਰ ——————–।

ਬੜ ਘੋਰਨੇ ਗਿੱਦੜ ਦੇ ਸ਼ੇਰ ਵੀ ਗਿੱਦੜ ਬਣਿਆ ਫਿਰਦਾ,
ਅੱਜ ਕਰਨਾਂ ਪੂਰਾ ਮੈ ਆਖਿਆ ਗੁਰੂ ਨਾਨਕ ਦਾ ਚਿਰਦਾ ,
ਉਸਾਰੀ ਕਰਨੀ ਮਹਿਲ ਦੀ ਮੈ ਆਕੇ ਥੰਮ ਕੋਈ ਬਣ ਜਾਵੋ।
ਲੋੜ ਇੱਕ ਸਿਰ————————।

ਘੜੀ ਐਹੋ ਜਿਹੀ ਤਾਂ ਸਿੱਖੋ ਕਰਮਾਂ ਵਾਲਿਆਂ ‘ਤੇ ਆਵੇ,
ਲੋਹਾ ਘੱਸ ਕੇ ਪਾਰਸ ਤੇ ਕਹਿੰਦੇ ਹਨ ਸੋਨਾਂ ਬਣ ਜਾਵੇ,
ਅੱਜ ਡਲੀ ਪੱਥਰ ਦੀ ਕੋਈ ਹਰਿਾ ਬਣ ਕੇ ਰੂਪ ਵਟਾਵੋ।
ਲੋੜ ਇੱਕ ਸਿਰ———————-।

ਸਿਰ ਦਿੰਦਾ ਕਿਸੇ ਲਈ ਜੋ ਉਹਦੀ ਮੱਦਦ ਹੈ ਗੁਰੂ ਕਰਦਾ,
ਰਹਿੰਦਾ ਸਦੀਆਂ ਤੱਕ ਜਿਉਦਾ ਉਹ ਮਰਕੇ ਵੀ ਨਾ ਮਰਦਾ,
ਅੱਜ ਕਲਮ ਸਿੱਧੂ ਦੀ ਦਾ ਕੋਈ ਸਿਰਲੇਖ ਤੁਸੀ ਬਣ ਜਾਵੋ।
ਲੋੜ ਇੱਕ ਸਿਰ————————।

ਭਾਈ ਮਤ ਕੋਈ ਜਾਣਹੁ ਕਿਸੀ ਕੈ ਕਿਛੁ ਹਾਥਿ ਹੈ
ਸਭਿ ਕਰੇ ਕਰਾਇਆ।।
ਜਰਾ ਮਰਾ ਤਾਪ ਸਿਰਤਿ ਸਾਪੁ ਸਭੁ ਹਰਿ ਕੈ ਵਸਿ ਹੈ
ਕੋਈ ਲਾਗਿ ਨਾ ਸਕੈ ਬਿਨ ਹਰ ਕਾ ਲਾਇਆ ।।

ਸਭ ਮਹਿ ਜੋਤ ਜੋਤਿ ਹੈ ਸੋਇ।।
ਤਿਸ ਦੈ ਚਾਨਣਿ ਸਭ ਮਹਿ ਚਾਨਣ ਹੋਇ।।
ਗੁਰੂ ਗੋਬਿੰਦ ਸਿੰਘ ਜੀ ਨੇ ਜਾਤਾਂ ਪਾਤਾਂ ਦਾ ਖਾਤਮਾਂ ਕਰਕੇ , ਸੱਭ ਨੂੰ ਇੱਕ ਬਾਟੇ ਵਿੱਚ ਖਵਾ ਕੇ , ਇਕੋ ਬਾਣਾ ਬਖਸ਼ ਕੇ,ਤੱਕੜੇ ,ਮਾੜੇ,ਗਰੀਬ ,ਅਮੀਰ,ਚੰਗੇ,ਮੰਦੇ ਦਾ ਭੇਦ ਭਾਵ ਖਤਮ ਕਰਕੇ ਸੱਭ ਨੂੰ ਖਾਲਸੇ ਦਾ ਨਾਮ ਦਿੱਤਾ ।ਸੱਭ ਨੂੰ ਇਕ ਪ੍ਰਮਾਤਮਾਂ ਦਾ ਸਿਮਰਨ ਕਰਨ ਦੀ ਪ੍ਰੇਰਨਾਂ ਦਿੱਤੀ ।
ਗੁਰੂ ਸਾਹਿਬ ਨੇ ਖਾਲਸਾ ਉਸ ਨੂੰ ਆਖਿਆ ਜਿਸ ਵਿੱਚ ਚਾਰੇ ਵਰਨ ਕੁਟ ਕੁਟ ਕੇ ਭਰੇ ਹੋਣ । ਖਾਲਸਾ ਬ੍ਰਾਹਮਣ ਵੀ ਹੈ । ਜੋ ਇੱਕ ਓਂਕਾਰ ਦਾ ਸਿਮਰਨ ਕਰਦਾ ਹੈ ਅਤੇ ਅੱਗੇ ਕਰਵਾਉਦਾ ਵੀ ਹੈ ।ਆਪਣੀ ਕਿਰਤ ਵਿੱਚੋ ਦਸਵੰਧ ਦਾਨ ਕਰਦਾ ਹੈ ।ਉਹ ਪ੍ਰਮਾਤਮਾਂ ਤੋ ਸਰਬੱਤ ਦੇ ਭਲੇ ਦਾ ਦਾਨ ਮੰਗਦਾ ਹੈ ਤੇ ਲੋਕਾਂ ਨੂੰ ਸੱਚ ਤੇ ਚੱਲਣ ਦਾ ਉਪਦੇਸ਼ ਦਿੰਦਾ ਹੈ

ਬੰਦਨ ਤੋੜੇ ਹੋਵੇ ਮੁਕਤੁ ।।
ਸੋਈ ਬ੍ਰਾਹਮਣ ਪੂਜਣ ਜਗਤੁ।।
ਖਾਲਸਾ ਖੱਤਰੀ ਵੀ ਹੈ । ਹਮੇਸ਼ਾਂ ਅਨਿਆਂ (ਜੁਲਮ) ਦੇ ਖਿਲਾਫ ਲੜਦਾ ਹੈ । ਇਹ ਕਿਸੇ ਨੂੰ ਡਰਾਉਦਾ ਨਹੀਂ ਤੇ ਨਾਂ ਹੀ ਡਰਦਾ ਹੈ ਜੇ ਡਰਦਾ ਹੈ ਤਾਂ ਅਕਾਲ ਪੁਰਖ ਪ੍ਰਮਾਤਮਾਂ ਹੈ ।
ਭੈ ਕਾਹੂ ਕਉ ਦੇਤ ਨਹਿ ,ਨਹਿ ਭੈ ਮਾਣਤ ਆਣ।
ਖਾਲਸਾ ਵੈਸ਼ ਵੀ ਹੈ । ਦਸਾਂ ਨੌਹਾਂ ਦੀ ਕਿਰਤ ਕਰਨੀ । ਬੌਧਿਕ ਉਨਤੀ ਲਈ ਸੋਚਣਾਂ, ਮੰਗ ਕੇ ਨਹੀ ਖਾਂਣਾ ।ਸੱਚ ਦਾ ਵਿਉਪਾਰ ਕਰਨਾਂ ,ਖਾਲਸੇ ਦਾ ਕਰਮ ਹੈ ।

ਉਦਮੁ ਕਰੇਦਿਆ ਜੀਉ ਤੂੰ ਕਮਾਵਦਿਆ ਸੁਖ ਭੁੰਚ।।
ਧਿਆਇਦਿਆ ਤੂੰ ਪ੍ਰਭੂ ਮਿਲੁ ਨਾਨਕ ਉਤਰੀ ਚਿੰਤ ।।
ਖਾਲਸਾ ਸੂਦਰ ਵੀ ਹੈ । ਬਿਨਾਂ ਸੰਕੋਚ ਦੂਸਰੇ ਦੀ ਸੇਵਾ ਕਰਨੀ,ਗੁਰ ਸੰਗਤ ਦੇ ਜੋੜੇ ਝਾੜਨੇ , ਨਿਆਸਰੇ ਤੇ ਰੋਗੀ ਦੀ ਤਨੋ ,ਮਨੋ ਤੇ ਧਨੋ ਸੇਵਾ ਤੇ ਮੱਦਦ ਕਰਨੀ । ਇਸ ਤਰਾਂ ਦੀ ਸੋਚ ਖਾਲਸੇ ਨੂੰ ਬਣਾਉਣ ਦੀ ਗੁਰੂ ਸਾਹਿਬ ਨੇ ਤੌਫੀਕ ਬੱਖਸੀ ।

ਵਿਚ ਦੁਨੀਆ ਸੇਵ ਕਮਾਈਐ ।।
ਤਾਂ ਦਰਗਹ ਬੈਸਣ ਪਾਈਐ ।।
ਇਸ ਤਰਾਂ ਦੁਨੀਆ ਨੂੰ ਵਹਿਮਾਂ ,ਭਰਮਾਂ,ਜਾਤਾਂ ,ਪਾਤਾਂ,ਊਚ ,ਨੀਚਤਾ ਦੀ ਭੈੜੀ ਬਿਮਾਰੀ ਤੋਂ ਮੁਕਤ ਕਰਨ ਲਈ 1699 ਦੀ ਵਿਸਾਖੀ ਨੂੰ ਗੁਰੂ ਗੋਬਿੰਦ ਸਿੰਘ ਨੇ ਖਾਲਸਾ ਕੋਮ ਦੀ ਸਾਜਣਾਂ ਕੀਤੀ ਅਤੇ ਸਰਬੱਤ ਦੇ ਭਲੇ ਦਾ ਉਪਦੇਸ਼ ਦਿੱਤਾ ।
ਅਫਸੋਸ ਹੈ ਕਿ ਹੁਣ ਫਿਰ ਬ੍ਰਾਹਮਣਾਂ ਵਾਲੀ ਜਗਾ ਪਖੰਡੀ ਸਾਧਾਂ ਤੇ ਡੇਰੇਦਾਰਾਂ ਨੇ ਲੈ ਲਈ ਹੈ । ਹੁਣ ਫਿਰ ਇਹਨਾਂ ਨੇ ਲੋਕਾਂ ਨੂੰ ਵਹਿਮਾਂ,ਭਰਮਾਂ ,ਭੂਤ ਪ੍ਰੇਤਾਂ ਦੇ ਚੱਕਰਾਂ ਵਿੱਚ ਪੂਰੀ ਤਰਾਂ ਫਸਾ ਲਿਆ ਹੈ । ਜਿਸ ਦਾ ਵਿਰੋਧ ਕਈ ਜੱਥੇਬੰਦੀਆਂ ਕਰ ਰਹੀਆਂ ਹਨ । ਪਰ ਉਸ ਦਾ ਕੋਈ ਖਾਸ ਅਸਰ ਨਹੀ ਪੈ ਰਿਹਾ । ਸਾਡੇ ਦੇਸ਼ ਦੇ ਸਿਆਸਤ ਦਾਨਾਂ ਦੀ ਵੀ ਇਹ ਦੇਣ( ਵੋਟਾਂ ਲਈ ਇਹਨਾਂ ਪਖੰਡੀਆਂ ਦੇ ਚਰਨ ਫੜਨੇ ਅਤੇ ਸਟੇਜਾਂ ਤੇ ਉਨਾਂ ਦੇ ਗੁਣ ਗਾਉਣੇ ) ਵੀ ਖਾਸ ਮਹੱਹਤਾ ਰੱਖਦੀ ਹੈ । ਜੇ ਕਰ ਕੋਈ ਠੋਸ ਉਪਰਾਲਾ ਨਾਂ ਹੋਇਆ ਤਾਂ ਇਸ ਦਾ ਅਸਰ ਪਹਿਲਾਂ ਨਾਲੋ ਵੀ ਬਹੁਤ ਭੈੜਾ ਹੋਵੇਗਾ । ਅਤੇ ਆਉਣ ਵਾਲੀਆਂ ਪੀੜੀਆਂ ਸਾਨੂੰ ਕਦੇ ਵੀ ਮੁਆਫ ਨਹੀ ਕਰਨ ਗੀਆਂ । ਅਸੀਂ ਗੁਰੂ ਸੰਦੇਸ਼ ਤੋ ਕੋਹਾਂ ਦੂਰ ਚਲੇ ਜਾਵਾਂਗੇ ।
ਅੱਜ ਖਾਲਸੇ ਦੇ ਜਨਮ ਦਿਨ ਤੇ ਸਾਰੀ ਸਿੱਖ ਕੌਮ ਨੂੰ ਲੱਖ ਲੱਖ ਵਧਾਈ ਹੋਵੇ । ਆਪਣਾ ਸਾਰਿਆਂ ਦਾ ਫਰਜ ਬਣਦਾ ਹੈ ਕਿ ਅੱਜ ਆਪਾਂ ਸਾਰੇ ਇਹ ਪ੍ਰਣ ਕਰੀਏ ਕਿ ਅਸੀ ਗੁਰੂ ਸਾਹਿਬ ਦੇ ਦੱਸੇ ਹੋਏ ਸੱਚ ਦੇ ਰਸਤੇ ਤੇ ਚੱਲਦੇ ਹੋਏ ਸਿੱਖ ਕੌਮ ਦੀ ਚੱੜਦੀ ਕਲਾ ਲਈ ਤਨੋ,ਮਨੋ ਤੇ ਧਨੋ ਸੇਵਾ ਕਰਨ ਤੋ ਕਦੇ ਵੀ ਪਿੱਛੇ ਨਹੀ ਰਹਾਂਗੇ ।

ਜੁਲਫਾਂ ਦੀ ਘਟਾ  ਥੱਲੇ  ਨੈਣਾਂ  ਦੀ  ਬਿਜਲੀ  ਚਮਕੀ ,
ਦੌਰ ਵਧਾ ਗਈ ਖੂਨ ਦਾ  ਤੱਕਣੀ ਉਹਦੀ ਨਸਾ ਬਣਕੇ ।

ਲਫ਼ਜ  ਉਹਦੇ  ਖੰਜਰ  ਬਣ  ਖੁਭੇ  ਮੇਰੇ ਸ਼ੀਨੇ  ਵਿੱਚ ,
ਦਿੱਲ ਦੀ ਜਦੋ  ਗੱਲ ਆਖੀ ਉਸਨੇ ਮੇਰੀ ਭੁਜਾ ਬਣਕੇ ।

ਮਿਲਣ ਕਰਕੇ ਰਿਸਣ ਲੱਗੇ ਜ਼ਖਮ ਅੱਲੇ ਬਣ ਨਸੂਰ ,
ਮਿਲਦੀ ਜੇ ਪਹਿਲਾਂ ਕਦੇ ਤਾਂ ਉਹ ਮਿਲਦੀ ਦਵਾ ਬਣਕੇ ।

ਖੁਸ਼ਬੂ ਉਸ ਦੇ ਬਦਨ ਦੀ ਜਦ ਮਿਲੀ ਮੇਰੇ ਸ਼ਾਹਾ ਵਿੱਚ ,
ਭਾਰੂ ਦਿੱਲ ਤੇ ਸੋਚ ਹੋ ਗਈ ਤੁਰ ਗਈ ਹਾਦਸਾ ਬਣਕੇ ।

ਇਹ ਵਕਤ ਦੀ ਸਾਜਸ ਸੀ ਨਾ ਕਿ ਮੇਰਾ ਆਪਣਾ ਕਸੂਰ ,
ਉਤਰ ਨਾ ਮੈ  ਦੇ  ਸਕਿਆ  ਤੈਨੂੰ  ਤੇਰੀ  ਰਜਾ  ਬਣਕੇ ।

ਜਾਪਦਾ  ਹੈ  ਐ “ਸਿੱਧੂ ” ਤੂੰ  ਜਿੰਦਗੀ  ਭਰ  ਝੂਰੇਗਾ ,
ਜਿੰਦਗੀ ਵਿੱਚ ਹੈ ਆਈ ਉਹ  ਖੁਸ਼ੀ ਦੀ ਥਾਂ ਕਜਾ ਬਣਕੇ।

ਇੰਡੀਅਨ ਓਵਰਸੀਜ ਕਾਂਗਰਸ ਸਟੇਟ ਹਮਬਰਗ ਦੇ ਪ੍ਰਧਾਂਨ ਭਰੋਲੀ ਵਲੋ ਅਹੁਦੇਦਾਰਾਂ ਦਾ ਐਲਾਨ

ਹਮਬਰਗ -ਪਾਰਟੀ ਪ੍ਰਧਾਂਨ ਰੇਸ਼ਮ ਭਰੋਲੀ ਦੀ ਪ੍ਰਧਾਂਨਗੀ ਹੇਠ ਕਾਂਗਰਸ ਵਰਕਰਾਂ ਦੀ ਇਕੱਤਰਤਾ ਰਿਸਟੋਰੈਟ ਅਮੀਰੋਸ ਵਿੱਚ ਹੋਈ। ਜਿਥੇ ਉਹਨਾਂ ਵਲੋਂ ਪਾਰਟੀ ਦੇ ਅਹੁਦੇਦਾਰਾਂ ਨੂੰ ਨਾਮਜਦ  ਕੀਤਾ ਗਿਆ। ਮੀਤ ਪ੍ਰਧਾਨ ਸ੍ਰੀ ਸੁਭਾਸ਼ ਜੈਨ, ਜਨਰਲ ਸੈਕਟਰੀ ਸੁਖਜਿੰਦਰ ਸਿੰਘ ਗਰੇਵਾਲ ਤੇ ਅਵਤਾਰ ਸਿੰਘ ਤਾਰੀ ਨੂੰ ਖਜ਼ਾਨਚੀ ਥਾਪਿਆ ਗਿਆ। ਪ੍ਰਧਾਂਨ ਵੱਲੋ ਇਹਨਾਂ ਨੂੰ ਹਾਰ ਪਾ ਕੇ ਸਨਮਾਨਿਆ ਗਿਆ। ਪ੍ਰਧਾਨ ਸਾਹਿਬ ਵੱਲੋ ਗਿਆਰਾਂ ਮੈਬਰੀ ਐਗਜਿਕਟਵ ਕਮੇਟੀ ਦਾ ਵੀ ਐਲਾਨ ਕੀਤਾ ਗਿਆ। ਜਿਸ ਵਿੱਚ ਰਣਜੀਤ ਸਿੰਘ ਪਾਬਲਾ, ਦਿਲਬਾਗ ਬੰਗਾ, ਸੁਖਵਿੰਦਰ ਸਿੰਘ ਵਿਰਕ, ਮਾਈ ਲਾਲ, ਰਾਜਿੰਦਰ ਪ੍ਰਸਾਦ ਰੱਤੂ, ਜਸਪਾਲ ਸਿੰਘ, ਜਗਤਾਰ ਸਿੰਘ ਸੰਧੂ, ਅਸਵਨੀ ਕੁਮਾਰ, ਹਰਜਿੰਦਰ ਸਿੰਘ ਮੰਗਾ, ਫਜਲ ਅਹਿਮਦ (ਵਕੀਲ) ਤੇ ਅਮਰੀਕ ਸਿੰਘ ਮੀਕਾ ਨੂੰ ਸਾਮਲ ਕੀਤਾ ਗਿਆ। ਅੱਜ ਦੀ ਮੀਟਿੰਗ ਵਿੱਚ ੳਪਰੋਕਤ ਮੈਬਰਾਂ ਤੋ ਇਲਾਵਾ ਸੁਖਦੇਵ ਸਿੰਘ ਚਾਹਲ,ਜਸਵੀਰ ਸਿੰਘ ਗਰੇਵਾਲ, ਪਰਜੀਤ ਸਿੰਘ ਹੋਠੀ ,ਰਾਜਿੰਦਰ ਕੁਮਾਰ ਤੇ ਸੁਚਾ ਰਾਮ ਵੀ ਹਾਜਰ ਸਨ।

ਇੰਡੀਅਨ ਓਵਰਸੀਜ ਕਾਂਗਰਸ ਹਮਬਰਗ ਵੱਲੋਂ ਬੰਬਈ ਸ਼ਹਿਰ ਵਿਖੇ ਅੱਤਵਾਦੀਆਂ ਵੱਲੋ ਪੁਲੀਸ ਅਫਸਰ, ਪੁਲੀਸ ਮੁਲਾਜਮਾਂ, ਵਿਦੇਸੀ ਨਾਗਰਿਕਾਂ ਅਤੇ ਬੇਦੋਸੇ ਲੋਕਾਂ ਦੇ ਕੀਤੇ ਗਏ ਮਨੁੱਖੀ ਘਾਣ ਦੀ ਪੁਰ ਜੋਰ ਸਖਤ ਸਬਦਾਂ ਵਿੱਚ ਨਿਖੇਧੀ ਕੀਤੀ ਗਈ। ਨਿੰਦਾ ਕਰਨ ਵਾਲਿਆਂ ਵਿੱਚ ਪ੍ਰਧਾਂਨ ਰੇਸ਼ਮ ਭਰੋਲੀ , ਮੀਤ ਪ੍ਰਧਾਂਨ ਸੁਭਾਸ ਜੈਨ, ਜਨਰਲ ਸਕੱਤਰ ਸੁਖਜਿੰਦਰ ਸਿੰਘ ਗਰੇਵਾਲ, ਸੁਖਦੇਵ ਸਿੰਘ ਚਾਹਲ, ਹਰਜਿੰਦਰ ਸਿੰਘ ਮੰਗਾ, ਅਵਤਾਰ ਸਿੰਘ ਤਾਰੀ, ਸੁਖਵਿੰਦਰ ਸਿੰਘ ਵਿਰਕ ਤੇ ਰਾਜਿੰਦਰ ਕੁਮਾਰ ਰੱਤੂ ਨੇ ਭਾਰਤ ਸਰਕਾਰ ਨੂੰ ਪੁਰ ਜੋਰ ਸਬਦਾਂ ਵਿੱਚ ਅਪੀਲ ਕੀਤੀ ਕਿ ਇਸ ਤਰਾਂ ਦੇ ਮਨੁਖਤਾ ਦਾ ਘਾਣ ਕਰਨ ਵਾਲੇ ਗਲਤ ਅਨਸਰਾਂ ਨੂੰ ਨੱਥ ਪਾਉਣੀ ਚਾਹੀਦੀ ਹੈ । ਤਾਂ ਜੋ ਅੱਗੇ ਤੋਂ ਅਜਿਹੇ ਗਲਤ ਅਨਸਰ ਮਨੁੱਖਤਾ ਦਾ ਘਾਣ ਨਾ ਕਰ ਸਕਣ। ਇਹਨਾਂ ਵੱਲੋ ਇਸ ਅਨਮਨੁੱਖੀ ਕੀਤੇ ਗਏ ਜਬਰ ਦੇ ਵਿੱਚ ਹੋਏ ਜਖਮੀਆਂ ਨਾਲ ਵੀ ਹਮਦਰਦੀ ਪ੍ਰਗਟ ਕਰਦੇ ਹੋਇਆਂ ਸਰਕਾਰ ਨੂੰ ਅਪੀਲ ਕੀਤੀ ਕਿ ਮਰਨ ਵਾਲਿਆਂ ਤੇ ਜ਼ਖਮੀ ਹੋਏ ਲੋਕਾਂ ਦੇ ਪ੍ਰਵਾਰਾਂ ਦੀ ਆਰਥਿਕ ਮੱਦਦ ਕੀਤੀ ਜਾਵੇ।

ਇੱਕ ਹੋਰ ਜਰਨੈਲ ਸਿੰਘ ਰਾਏ ਨਾਮੀ ਪੰਜਾਬੀ ਦਾ ਦਿਹਾਤ ਹੋ ਗਿਆ। ਜਿਸ ਦੀ ਉਮਰ 60ਸਾਲ ਦੇ ਲੱਗਭੱਗ ਸੀ। ਪਤਾ ਲੱਗਾ ਹੈ ਕਿ ਉਹ ਪੌੜੀਆਂ ਚੜ ਰਿਹਾ ਸੀ। ਉਸ ਨੂੰ ਅਚਾਨਕ ਹੀ ਦਿੱਲ ਦਾ ਦੌਰਾ ਪਿਆ ਤੇ ਐਬੂਲਿੰਸ ਦੇ ਪਹੁੰਚਣ ਤੋ ਪਹਿਲਾਂ ਹੀ ਉਸ ਦੀ ਜੀਵਨ ਲੀਲਾ ਖਤਮ ਹੋ ਚੁਕੀ ਸੀ। ਡਾਕਟਰਾਂ ਨੇ ਆ ਕੇ ਉਸ ਨੂੰ ਮਰਿਆ ਘੋਸਤ ਕਰ ਦਿਤਾ