ਚੰਡੀਗੜ੍ਹ :- ਹਿੰਦੂਤਵ ਮੁਲਕ ਦੇ ਅਗਲੇ ਸੰਭਾਵਿਤ ਗੱਦੀ ਨਸ਼ੀਨ ਸ਼੍ਰੀ ਰਾਹੁਲ ਗਾਂਧੀ ਵੱਲੋ ਜੋ ਮੀਡੀਏ ਰਾਹੀਂ ਹਿੰਦ ਵਿੱਚ ਕਿਸੇ ਤਰ੍ਹਾ ਦੀ ਵੀ ਰਿਸ਼ਵਤਖੋਰੀ ਜਾਂ ਘਪਲੇਬਾਜ਼ੀ ਨੂੰ ਬ੍ਰਦਾਸਿਤ ਨਾ ਕਰਨ ਸਬੰਧੀ ਸਮਾਜ ਅਤੇ ਮਨੁੱਖਤਾ ਪੱਖੀ ਵਿਚਾਰ ਪ੍ਰਗਟਾਏ ਗਏ ਹਨ, ਉਹ ਸਵਾਗਤਯੋਗ ਹਨ। ਕਿਉਂਕਿ ਸ਼੍ਰੀ ਏ ਰਾਜਾ ਦੂਰ ਸੰਚਾਰ ਵਜ਼ੀਰ ਜਿਸਨੇ 2 ਜੀ ਸਪੈਕਟ੍ਰਮ ਘੁਟਾਲੇ ਵਿੱਚ ਲੱਖਾਂ ਕਰੋੜਾਂ ਰੁਪਏ ਦੇ ਵੱਡੇ ਗਬਨ ਕੀਤੇ ਹਨ, ਉਸ ਤੋਂ ਅਸਤੀਫਾ ਲੈ ਕੇ ਸ਼੍ਰੀ ਕਲਮਾਡੀ ਵਰਗੇ ਕ੍ਰਿਕਟ ਬੋਰਡ ਦੇ ਮੁੱਖ ਅਹੁਦੇਦਾਰ ਦੀਆਂ ਰਿਸ਼ਵਤਾਂ ਖਾਣ ਦੇ ਵਜੋਂ ਅਹੁਦਾ ਮੁਕਤ ਕਰਨ ਅਤੇ ਰਿਸ਼ਵਤਖੋਰੀ ਦੇ ਦੋਸ਼ੀ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਸ਼੍ਰੀ ਅਸ਼ੌਕ ਚਵਾਨ ਦੀ ਛੁੱਟੀ ਕਰਨ ਦੇ ਉਸਾਰੂ ਅਮਲ ਇਸ ਦਿਸ਼ਾ ਵੱਲ ਵੱਡੀਆਂ ਤਬਦੀਲੀਆਂ ਦਾ ਸੰਕੇਤ ਦਿੰਦੇ ਹਨ।
ਇਹ ਵਿਚਾਰ ਅੱਜ ਇੱਥੇ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਜਿੱਥੇ ਸ਼੍ਰੀ ਰਾਹੁਲ ਗਾਂਧੀ ਦੇ ਉੱਦਮਾਂ ਦੀ ਪ੍ਰਸੰਸਾ ਕਰਦੇ ਹੋਏ ਪ੍ਰਗਟਾਏ, ਉੱਥੇ ਸ: ਮਾਨ ਨੇ ਸ਼੍ਰੀ ਰਾਹੁਲ ਅਤੇ ਕਾਂਗਰਸ ਜਮਾਤ ਨੂੰ ਸਵਾਲ ਵੀ ਕੀਤਾ ਕਿ ਜਿਸ ਕੈਪਟਨ ਅਮਰਿੰਦਰ ਸਿੰਘ ਉੱਤੇ ਆਪਣੇ ਮੁੱਖ ਮੰਤਰੀ ਦੇ ਕਾਰਜ ਕਾਲ ਸਮੇ ਕਰੋੜਾਂ ਰੁਪਇਆ ਦੇ ਗਬਨਾਂ ਦੇ ਕੇਸ ਅੱਜ ਵੀ ਅਦਾਲਤਾਂ ਵਿੱਚ ਚੱਲ ਰਹੇ ਹਨ, ਜਿਨ੍ਹਾ ਉਤੇ ਡੁੱਬਈ ਅਤੇ ਇਸਲਾਮਾਬਾਦ (ਪਾਕਿਸਤਾਨ) ਵਿੱਚ ਵੱਡੀਆਂ ਜਾਇਦਾਦਾਂ ਤੇ ਫਲੈਟ ਵਗੈਰਾ ਖ੍ਰੀਦਣ ਦੇ ਦੋਸ਼ ਹਨ, ਅਜਿਹੇ ਇਨਸਾਨ ਨੂੰ ਕਾਂਗਰਸ ਜਮਾਤ ਜਾਂ ਰਾਹੁਲ ਗਾਂਧੀ ਨੇ ਪੰਜਾਬ ਵਰਗੇ ਸੂਬੇ ਦਾ ਪ੍ਰਧਾਨ ਬਣਾ ਕੇ ਉਹ ਸਿੱਖ ਕੌਮ ਜਾਂ ਪੰਜਾਬੀਆਂ ਨੂੰ ਕੀ ਸੰਦੇਸ਼ ਦੇ ਰਹੇ ਹਨ?
ਸ: ਮਾਨ ਨੇ ਆਪਣੇ ਬਿਆਨ ਵਿੱਚ ਦੋ ਕੌਮਾਂਤਰੀ ਮੁੱਦਿਆਂ ਉੱਤੇ ਪ੍ਰਤੀਕਰਮ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਸੰਯੁਕਤ ਰਾਸ਼ਟਰ ਵੱਲੋ ਕਸ਼ਮੀਰ ਨੂੰ ਜੋ ਕੌਮਾਂਤਰੀ ਵਿਵਾਦਿਤ ਮੁੱਦਿਆਂ ‘ਚ ਹਟਾਉਣ ਦੀ ਗੱਲ ਉੱਤੇ ਹਿੰਦੂਤਵ ਹਕੂਮਤ ਤੇ ਉਸਦੇ ਵਜ਼ੀਦ ਵੱਡੀ ਖੁਸ਼ੀ ਜ਼ਾਹਿਰ ਕਰ ਰਹੇ ਹਨ, ਉੱਤੇ ਬੋਲਦੇ ਹੋਏ ਕਿਹਾ ਕਿ ਜੇਕਰ ਯੂ ਐਨ ਓ ਵਰਗੀ ਸੰਸਥਾ ਝੂਠ ਤੇ ਕਪਟ ਦਾ ਸਹਾਰਾ ਲੈ ਕੇ ਕੋਈ ਗੁੰਮਰਾਹਕੁੰਨ ਕਾਰਵਾਈ ਕਰੇ ਤਾਂ ਕੀ ਅਸੀਂ ਉਸਨੂੰ ਪ੍ਰਵਾਨ ਕਰ ਲਵਾਂਗੇ। ਜਦੋ ਕਿ ਸਮੁੱਚੀ ਦੁਨੀਆ ਨੂੰ ਜਾਣਕਾਰੀ ਹੈ ਕਿ ਕਸ਼ਮੀਰ ਵਿੱਚ ਨਿੱਤ ਦਿਹਾੜੇ ਕੋਈ ਦਰਜਨ ਦੇ ਕਰੀਬ ਕਸ਼ਮੀਰੀ ਨੌਜਵਾਨਾਂ ਨੂੰ ਪੁਲਿਸ ਅਤੇ ਫੌਜਾਂ ਮਾਰ ਮੁਕਾ ਰਹੀਆਂ ਹਨ। ਅੱਜ ਵੀ ਉੱਥੇ ਵੱਡੀ ਦੁਖਾਤਿਕ ਕਾਰਵਾਈ ਹੋਈ ਹੈ, ਫਿਰ ਅਸੀਂ ਕਿਵੇ ਕਹਿ ਸਕਦੇ ਹਾਂ ਕਿ ਕਸ਼ਮੀਰ ਹੁਣ ਕੌਮਾਤਰੀ ਪੱਧਰ ਦਾ ਵਿਸ਼ਾ ਨਹੀਂ ਰਿਹਾ। ਇਹ ਸਭ ਝੂਠ ਦਾ ਪੁਲੰਦਾ ਤੇ ਯੂ ਐਨ ਓ ਅਤੇ ਹਿੰਦੂਤਵ ਹਕੂਮਤ ਵੱਲੋ ਸੱਚਾਈ ਉੱਤੇ ਪਰਦਾ ਪਾਉਣ ਦੀ ਅਸਫ਼ਲ ਕੌਸਿਸ ਹੈ।
ਸ: ਮਾਨ ਨੇ ਆਪਣੇ ਬਿਆਨ ਦੇ ਅਖੀਰ ਵਿੱਚ ਚੀਨ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਸਿੱਖ ਕੌਮ ਇੱਕ ਵੱਖਰੀ ਕੌਮ ਹੈ। ਇਸ ਲਈ ਸਿੱਖ ਕੌਮ ਦੇ ਆਗੂਆਂ ਸ: ਭੁਪਿੰਦਰ ਸਿੰਘ ਮਾਨ ਅਤੇ ਸ: ਹੁਕਮ ਸਿੰਘ ਨੇ ਹਿੰਦ ਦੇ ਵਿਧਾਨ ਉੱਤੇ ਦਸਤਖਤ ਨਹੀਂ ਸਨ ਕੀਤੇ। ਇਸ ਲਈ ਚੀਨ ਜਿਵੇਂ ਕਸ਼ਮੀਰੀਆਂ ਅਤੇ ਅਰੁਣਾਚਲ ਦੇ ਬਸਿੰਦਿਆਂ ਨੂੰ ਉਨ੍ਹਾ ਦੇ ਹਿੰਦੂਤਵ ਹਕੂਮਤ ਵੱਲੋ ਜਾਰੀ ਕੀਤੇ ਗਏ ਪਾਸਪੋਰਟਾਂ ਦੇ ਨਾਲ ਵੀਜ਼ਾ ਦਸਤਾਵੇਜ਼ ਨੱਥੀ ਕਰਕੇ ਚੀਨ ਵਿੱਚ ਆਉਣ ਜਾਣ ਦੀ ਪ੍ਰਵਾਨਗੀ ਦਿੰਦਾ ਹੈ, ਉਸ ਤਰ੍ਹਾ ਉਹ ਸਿੱਖ ਕੌਮ ਨੂੰ ਹਿੰਦੂਤਵ ਤੋਂ ਵੱਖਰੀ ਕੌਮ ਅਤੇ ਮੁਲਕ ਪ੍ਰਵਾਨ ਕਰਦੇ ਹੋਏ ਵੀਜ਼ੇ ਪ੍ਰਦਾਨ ਕਰਨਾ ਤੁਰੰਤ ਸ਼ੁਰੂ ਕਰੇ ਅਤੇ ਸਿੱਖ ਕੌਮ ਵੱਲੋ ਚੀਨ, ਪਾਕਿਸਤਾਨ ਅਤੇ ਹਿੰਦ ਦੇ ਵਿਚਕਾਰ ਜੋ ਬੱਫਰ ਸਟੇਟ ਕਾਇਮ ਕਰਨ ਹਿੱਤ ਸੰਘਰਸ ਕੀਤਾ ਜਾ ਰਿਹਾ ਹੈ, ਉਸਨੂੰ ਸਹਿਯੋਗ ਕਰਕੇ ਸਿੱਖ ਕੌਮ ਨੂੰ ਆਜ਼ਾਦ ਕਰਵਾਏ।