‘ਨਾਨਕ ਸ਼ਾਹ ਫ਼ਕੀਰ’ ਤੇ ਪਾਬੰਦੀ ਲਗਾਉਣ ਲਈ ਪ੍ਰਧਾਨ ਮੰਤਰੀ, ਸੂਚਨਾ ਅਤੇ ਪ੍ਰਸਾਰਨ ਮੰਤਰੀ ਨੂੰ ਪੱਤਰ ਲਿਖੇ
-ਸ਼ੁਕਰ ਹੈ ਇੰਨੇ ਦਿਨਾਂ ਬਾਅਦ ਗੁਰਦੁਆਰਾ ਕਮੇਟੀ ਨੂੰ ਵੀ ਰੋਕ ਲਾਉਣ ਬਾਰੇ ਚੇਤਾ ਆ ਗਿਆ
ਬਹਿਸ ਤੋਂ ਭੱਜਣ ਦੇ ਬਹਾਨੇ ਲੱਭ ਰਹੇ ਹਨ ਸਰਨਾ ਭਰਾ-ਸਿਰਸਾ
-ਸੋਚਦੇ ਹੋਣੇ ਨੇ, ਕਿਹੜਾ ਬਹਿਸ ਕੀਤਿਆਂ ਫਿਰ ਪ੍ਰਧਾਨਗੀ ਮਿਲ ਜਾਣੀ ਏ?
ਮੋਦੀ ਦੇ ਕੋਲ ਤਾਂ ਦਿਮਾਗ਼ ਹੀ ਨਹੀਂ-ਮਮਤਾ
-ਜੇ ਜਨਤਾ ਪਹਿਲਾਂ ਸੋਚ ਲੈਂਦੀ ਤਾਂ ਇਹ ਕਹਿਣ ਦੀ ਨੌਬਤ ਨਾ ਆਉਂਦੀ
ਜੰਤਰ ਮੰਤਰ ‘ਤੇ ਦਿੱਲੀ ਕਮੇਟੀ ਵਲੋਂ ਰੋਜ਼ਾਨਾ ਪੱਧਰੀ ਲੰਗਰ ਸੇਵਾ ਦੀ ਸ਼ੁਰੂਆਤ
-ਜਿਹੜੇ ਭੁੱਖ ਹੜਤਾਲ ਕਰਦੇ ਨੇ ਕੀ ਉਹ ਵੀ ਤੁਹਾਡਾ ਲੰਗਰ ਛੱਕਣਗੇ?
ਕੋਰਟ ਨੇ ਮੁਹੰਮਦ ਸਦੀਕ ਦੀ ਵਿਧਾਨ ਸਭਾ ਦੀ ਮੈਂਬਰਸ਼ਿਪ ਰੱਦ ਕੀਤੀ
-ਹੁਣ ਇਹ ਨਾ ਪੁਛਿਓ ਕਿ ਸਦੀਕ ਦੇ ਮਨ ‘ਤੇ ਕੀ ਬੀਤੀ
ਫਰਾਂਸ ਨੇ ਬੇਹੱਦ ਪਤਲੀਆਂ ਮਾਡਲਾਂ ‘ਤੇ ਰੋਕ ਲਗਾਈ
-ਇਸ ਤੋਂ ਬਾਅਦ ਮੋਟੀਆਂ ਮਾਡਲਾਂ ਨੂੰ ‘ਕੈਟ ਵਾਕ’ ਦੀ ਪ੍ਰੈਕਟਿਸ ਕਰਾਈ
ਹੁਣ ਪੰਜ ਸਾਲ ‘ਚ ਹੋਵੇਗਾ ਕੇਸਾਂ ਦਾ ਨਿਪਟਾਰਾ: ਮੁੱਖ ਜੱਜ ਦਤੂ
- ਇਹ ਸੱਚ ਨਹੀਂ ਇਹ ਹੈ ਜਾਂ ਫਿਰ ਇਕ ਲਾਰਾ
ਅਡਵਾਨੀ ਨੂੰ ਬੀਜੇਪੀ ਦੇ ਸਥਾਪਨਾ ਦਿਵਸ ਸਮਾਗਮ ‘ਚ ਬੁਲਾਇਆ ਹੀ ਨਹੀਂ ਗਿਆ
- ਚਲੇ ਹੋਏ ਕਾਰਤੂਸ ਨੂੰ ਨਾ ਸੱਦਕੇ, ਬੀਜੇਪੀ ਨੂੰ ਕੋਈ ਫ਼ਰਕ ਨਹੀਂ ਪਿਆ
ਧੂਰੀ ਦੀਆਂ ਜਿ਼ਮਨੀ ਚੋਣਾਂ 2017 ਲਈ ਜ਼ਮੀਨ ਤਿਆਨ ਕਰਨਗੀਆਂ: ਕੈਪਟਨ
-ਹਵਾਈ ਫਾਇਰ ਨਾ ਕਰੀ ਜਾਓ, ਕੋਈ ਮਜ਼ਬੂਤ ਜ਼ਮੀਨ ਤਿਆਰ ਕਰਕੇ ਸਾਹਮਣੇ ਆਓ।
ਡੀ ਡੀ ਏ ਦੀ ਕਾਰਵਾਈ ਦੌਰਾਨ ਸਿੱਖ ਪਰਿਵਾਰਾਂ ਨਾਲ ਹੋਏ ਧੱਕੇ ਦੇ ਖਿਲਾਫ਼ ਦਿੱਲੀ ਕਮੇਟੀ ਹੋਈ ਸਰਗਰਮ
-ਇਹ ਸੱਚ ਹੈ ਜਾਂ ਫਿਰ ਸਾਡਾ ਹੈ ਕੋਰਾ ਭਰਮ
ਬਾਦਲ ਪੰਜਾਬ ਦੇ ਦਰਿਆਈ ਪਾਣੀਆਂ ਦੀ ਵੰਡ ਦੇ ਮਾਮਲੇ ‘ਤੇ ਸਥਿਤੀ ਸਪੱਸ਼ਟ ਕਰਨ
-ਕਿਥੇ ਫਿਰਦੇ ਹੋ ਕਪੂਰੀ ਦੇ ਮੋਰਚੇ ਤੋਂ ਲੈਕੇ ਹੁਣ ਤੱਕ ਤੁਹਾਨੂੰ ਹੀ ਸਥਿਤੀ ਸਪੱਸ਼ਟ ਨਹੀਂ ਹੋਈ?
ਮੁਲਾਇਤ ਯਾਦਵ ਹੋਣਗੇ ਸਾਡੇ ਸਭ ਦੇ ਨੇਤਾ-ਲਾਲੂ
ਲਾਲੂ ਜੀ,ਇਹ ਭਾਈਵਾਲੀ ਕਦੋਂ ਤੱਕ ਨਿਭੇਗੀ
ਅਸੀਂ ਜੁਮਲੇ ਨਹੀਂ ਕਹਿੰਦੇ-ਵਾਅਦੇ ਪੂਰੇ ਕਰਦੇ ਹਾਂ-ਕੇਜਰੀਵਾਲ
-ਨਾ ਹੀ ਅਸੀਂ 0 ਸੀਟਾਂ ਵਾਲੀ ਕਾਂਗਰਸ ਅਤੇ 3 ਸੀਟਾਂ ਵਾਲੀ ਭਾਜਪਾ ਤੋਂ ਡਰਦੇ ਹਾਂ।
ਦੀਦਾਰ ਸਿੰਘ ਬੈਂਸ ਦਾ ਦਿੱਲੀ ਕਮੇਟੀ ਨੇ ਕੀਤਾ ਸਵਾਗਤ
-ਇਹ ਤਾਂ ਕਈ ਸਾਲ ਪਹਿਲਾਂ ਹੋ ਜਾਣਾ ਚਾਹੀਦਾ ਸੀ। ਚਲੋ! ਦੇਰ ਆਏ ਦਰੁਸਤ ਆਏ।