ਯੂਕੇ : ਖਿਡਾਰੀਆਂ ‘ਤੇ ਨਸਲੀ ਟਿੱਪਣੀਆਂ ਕਰਨ ਵਾਲੇ ਲੋਕਾਂ ‘ਤੇ ਪਾਬੰਦੀ ਲਈ ਪਟੀਸ਼ਨ ਉੱਤੇ ਹੋਏ ਲੱਖਾਂ ਦਸਤਖਤ

ਗਲਾਸਗੋ/ ਲੰਡਨ, (ਮਨਦੀਪ ਖੁਰਮੀ ਹਿੰਮਤਪੁਰਾ) – ਯੂਰੋ 2020 ਫੁੱਟਬਾਲ ਕੱਪ ਦੇ ਫਾਈਨਲ ਵਿੱਚ ਪੈਨਲਟੀ ਸ਼ੂਟ ਆਊਟ ਕਰਕੇ ਇਟਲੀ ਹੱਥੋਂ ਹੋਈ ਹਾਰ ਦੇ ਬਾਅਦ, ਤਿੰਨ ਪੈਨਲਟੀ ਗੋਲ ਕਰਨ ਤੋਂ ਖੁੰਝਣ ਵਾਲੇ ਤਿੰਨ ਕਾਲੇ ਮੂਲ ਦੇ ਖਿਡਾਰੀਆਂ ਨੂੰ ਕਈ ਲੋਕਾਂ ਵੱਲੋਂ ਨਸਲੀ ਦੁਰਵਿਵਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਲਈ 350,000 ਤੋਂ ਵੱਧ ਫੁੱਟਬਾਲ ਪ੍ਰੇਮੀਆਂ ਨੇ ਇੱਕ ਪਟੀਸ਼ਨ ‘ਤੇ ਹਸਤਾਖਰ ਕਰਕੇ ਫੁੱਟਬਾਲਰਾਂ ਨੂੰ ਨਸਲੀ ਤੌਰ ‘ਤੇ ਦੁਰਵਿਵਹਾਰ ਕਰਨ ਵਾਲੇ ਲੋਕਾਂ ਨੂੰ ਉਮਰ ਭਰ ਲਈ ਮੈਦਾਨਾਂ ਵਿੱਚ ਜਾਣ  ‘ਤੇ ਪਾਬੰਦੀ ਲਗਾਉਣ ਦੀ ਮੰਗ ਕੀਤੀ ਹੈ। ਇੰਗਲੈਂਡ ਦੇ ਤਿੰਨ ਕਾਲੇ ਮੂਲ ਦੇ ਖਿਡਾਰੀ ਯੂਰੋ ਫਾਈਨਲ ਵਿੱਚ ਪੈਨਲਟੀ ਗੋਲ ਗੁਆਉਣ ਤੋਂ ਬਾਅਦ ਨਸਲੀ ਟ੍ਰੋਲਿੰਗ ਦਾ ਸ਼ਿਕਾਰ ਹੋਏ ਹਨ।

IMG-20210713-WA0022.resized

ਇੰਗਲੈਂਡ ਟੀਮ ਦੀ ਹਾਰ ਤੋਂ ਬਾਅਦ ਹੀ ਮਾਰਕਸ ਰਾਸ਼ਫੋਰਡ, ਬੁਕਾਯੋ ਸਾਕਾ ਅਤੇ ਜੈਡਨ ਸੈਂਚੋ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਇਸ ਦੁਰਵਿਵਹਾਰ ਦੀ ਵਿਆਪਕ ਤੌਰ ‘ਤੇ ਨਿੰਦਾ ਕੀਤੀ ਗਈ ਹੈ, ਜਿਸ ਵਿਚ ਪ੍ਰਧਾਨ ਮੰਤਰੀ ਅਤੇ ਡਿਊਕ ਆਫ ਕੈਮਬ੍ਰਿਜ ਸ਼ਾਮਲ ਹਨ। ਫੁੱਟਬਾਲ ਐਸੋਸੀਏਸ਼ਨ ਨੇ ਸੋਸ਼ਲ ਮੀਡੀਆ ਕੰਪਨੀਆਂ ਨੂੰ ਸਿੱਧੇ ਤੌਰ ‘ਤੇ ਕਾਰਵਾਈ ਕਰਨ ਲਈ ਕਿਹਾ ਹੈ। ਇੰਗਲੈਂਡ ਟੀਮ ਦੇ ਹਜ਼ਾਰਾਂ ਸਮਰਥਕ ਚਾਹੁੰਦੇ ਹਨ ਕਿ ਸਰਕਾਰ ਅਤੇ ਫੁੱਟਬਾਲ ਅਧਿਕਾਰੀ ਕਾਰਵਾਈ ਕਰਕੈ ਉਨ੍ਹਾਂ ਲੋਕਾਂ ਲਈ ਜੀਵਨ ਭਰ ਦੀ ਪਾਬੰਦੀ ਲਗਾਉਣ ਜੋ ਖਿਡਾਰੀਆਂ ਨੂੰ ਨਸਲੀ ਤੌਰ ‘ਤੇ ਦੁਰਵਿਵਹਾਰ ਕਰਦੇ ਹਨ। ਇਹ ਪਟੀਸ਼ਨ ਉਹਨਾਂ ਨਸਲੀਬਾਜ਼ਾਂ ਲਈ ਇੰਗਲੈਂਡ ਵਿੱਚ ਵਿਆਪਕ ਪਾਬੰਦੀ ਦੀ ਮੰਗ ਕਰਦੀ ਹੈ ਜੋ ਫੁੱਟਬਾਲਰਾਂ ਨੂੰ ਆਨਲਾਈਨ ਸ਼ੋਸ਼ਲ ਮੀਡੀਆ ਰਾਹੀਂ ਜਾਂ ਆਫਲਾਈਨ ਨਿਸ਼ਾਨਾ ਬਣਾਉਂਦੇ ਹਨ।ਫੁੱਟਬਾਲ ਸਬੰਧੀ ਪਾਬੰਦੀ ਲਗਾਉਣ ਦੇ ਆਦੇਸ਼ ਸਭ ਤੋਂ ਪਹਿਲਾਂ 1989 ਵਿੱਚ ਗੁੰਡਾਗਰਦੀ ਨੂੰ ਹੱਲ ਕਰਨ ਲਈ ਪੇਸ਼ ਕੀਤੇ ਗਏ ਸਨ ਅਤੇ ਉਦੋਂ ਤੋਂ ਕਈ ਵਾਰ ਇਹਨਾਂ ‘ਤੇ ਸੋਧ ਕੀਤੀ ਗਈ ਹੈ। ਪਾਬੰਦੀ ਲਗਾਉਣ ਦਾ ਹੁਕਮ ਵੱਧ ਤੋਂ ਵੱਧ 10 ਸਾਲਾਂ ਲਈ ਲਗਾਇਆ ਜਾ ਸਕਦਾ ਹੈ। ਇਸ ਤਹਿਤ ਫੁੱਟਬਾਲ ਕਲੱਬ ਜਾਤੀਵਾਦ ਦੇ ਸਮਰਥਕਾਂ ਨੂੰ ਕਾਲੀ ਸੂਚੀ ਵਿੱਚ ਪਾ ਕੇ ਉਨ੍ਹਾਂ ਨੂੰ ਸਟੇਡੀਅਮਾਂ ਵਿੱਚ ਦਾਖਲੇ ਤੋਂ ਇਨਕਾਰ ਕਰਦਿਆਂ ‘ਉਮਰ ਭਰ ਪਾਬੰਦੀ’ ਜਾਰੀ ਕਰਨ ਦੀ ਚੋਣ ਕਰ ਸਕਦੇ ਹਨ। ਇਹ ਸਭ ਪੁਲਿਸ ਜਾਂ ਅਦਾਲਤਾਂ ਦੀ ਬਜਾਏ ਕਲੱਬਾਂ ਉੱਤੇ ਨਿਰਭਰ ਕਰਦਾ ਹੈ।

This entry was posted in ਅੰਤਰਰਾਸ਼ਟਰੀ.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>