ਗਲਾਸਗੋ/ ਲੰਡਨ, (ਮਨਦੀਪ ਖੁਰਮੀ ਹਿੰਮਤਪੁਰਾ) – ਰੂਸੀ ਹਮਲੇ ਤੋਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਦੇਸ਼ ਯੂਕਰੇਨ ਵਿੱਚ ਸਿਹਤ ਸੇਵਾਵਾਂ ਦੀ ਬਿਹਤਰੀ ਲਈ ਯੂਕੇ ਵੱਲੋਂ ਐਂਬੂਲੈਂਸਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ। ਯੂਕੇ ਸਰਕਾਰ ਦਾ ਕਹਿਣਾ ਹੈ ਕਿ ਐੱਨ ਐੱਚ ਐੱਸ ਟਰੱਸਟ ਰੂਸੀ ਬੰਬਾਰੀ ਦੌਰਾਨ ਨੁਕਸਾਨੀਆਂ ਗਈਆਂ ਗੱਡੀਆਂ ਨੂੰ ਬਦਲਣ ਵਿੱਚ ਮਦਦ ਕਰਨ ਲਈ ਯੂਕਰੇਨ ਨੂੰ ਐਂਬੂਲੈਂਸਾਂ ਦਾ ਇੱਕ ਫਲੀਟ ਦਾਨ ਕਰੇਗਾ। ਵਿਦੇਸ਼ ਦਫਤਰ ਨੇ ਕਿਹਾ ਕਿ 20 ਐਂਬੂਲੈਂਸਾਂ ਦਾ ਇਹ ਦਾਨ ਯੂਕਰੇਨ ਦੀਆਂ ਐਮਰਜੈਂਸੀ ਸੇਵਾਵਾਂ ਨੂੰ ਬਿਹਤਰ ਕਰਨ ਵਿੱਚ ਮਦਦ ਕਰੇਗਾ। ਇਹਨਾਂ ਵਾਹਨਾਂ ਦੇ ਇਸ ਹਫਤੇ ਦੇ ਅੰਤ ਵਿੱਚ ਸਭ ਤੋਂ ਵੱਧ ਲੋੜ ਵਾਲੇ ਖੇਤਰਾਂ ਵਿੱਚ ਲਿਜਾਣ ਤੋਂ ਪਹਿਲਾਂ ਯੂਕਰੇਨ ਦੇ ਪੱਛਮੀ ਸ਼ਹਿਰ ਲਵੀਵ ਵਿੱਚ ਪਹੁੰਚਣ ਦੀ ਉਮੀਦ ਹੈ।
ਵਿਭਾਗ ਨੇ ਕਿਹਾ ਕਿ ਉਹ ਗੋਲਾਬਾਰੀ ਕਾਰਨ ਤਬਾਹ ਹੋਈਆਂ ਯੂਕਰੇਨੀ ਐਂਬੂਲੈਂਸਾਂ ਨੂੰ ਬਦਲਣ ਵਿੱਚ ਮਦਦ ਕਰਨਗੇ ਅਤੇ ਪਿਛਲੇ ਮਹੀਨੇ ਮਾਰੀਉਪੋਲ ਦੇ ਘੇਰਾਬੰਦੀ ਵਾਲੇ ਬੰਦਰਗਾਹ ਵਾਲੇ ਸ਼ਹਿਰ ਵਿੱਚ ਇੱਕ ਪ੍ਰਸੂਤੀ ਹਸਪਤਾਲ ‘ਤੇ ਇਹਨਾਂ ਵਿੱਚ ਦੱਖਣੀ ਕੇਂਦਰੀ ਐਂਬੂਲੈਂਸ ਸੇਵਾ ਂ੍ਹਸ਼ ਫਾਊਂਡੇਸ਼ਨ ਟਰੱਸਟ ਦੁਆਰਾ ਮੁਹੱਈਆ ਕਰਵਾਈਆਂ ਜਾ ਰਹੀਆਂ ਚਾਰ ਐਂਬੂਲੈਂਸਾਂ ਵੀ ਸ਼ਾਮਲ ਹਨ। ਜਿਕਰਯੋਗ ਹੈ ਕਿ ਯੂਕਰੇਨ ਲਈ ਯੂਕੇ ਸਭ ਤੋਂ ਵੱਡੇ ਸਹਾਇਤਾ ਦਾਨੀਆਂ ਵਿੱਚੋਂ ਇੱਕ ਰਿਹਾ ਹੈ, ਜੋ ਪ੍ਰਭਾਵਿਤ ਲੋਕਾਂ ਦੀ ਮਦਦ ਲਈ ਭੋਜਨ, ਦਵਾਈਆਂ ਅਤੇ ਜਨਰੇਟਰ ਪ੍ਰਦਾਨ ਕਰਦਾ ਹੈ। ਇਹ ਂ੍ਹਸ਼ ਐਂਬੂਲੈਂਸਾਂ ਹੁਣ ਸੰਘਰਸ਼ ਵਿੱਚ ਜ਼ਖਮੀ ਹੋਏ ਲੋਕਾਂ ਨੂੰ ਜੀਵਨ ਬਚਾਉਣ ਦੀ ਦੇਖਭਾਲ ਪ੍ਰਦਾਨ ਕਰਨਗੀਆਂ। ਇਸਦੇ ਇਲਾਵਾ ਵਿਦੇਸ਼ ਦਫਤਰ ਦੇ ਅਨੁਸਾਰ, ਯੂਕੇ ਨੇ ਯੂਕਰੇਨ ਨੂੰ 380,000 ਦਵਾਈਆਂ ਦੇ ਪੈਕ ਅਤੇ 3,000 ਬਾਲਗ ਰੀਸੂਸੀਟੇਟਰਾਂ ਸਮੇਤ ਮੈਡੀਕਲ ਸਪਲਾਈ ਦੀਆਂ ਮਿਲੀਅਨ ਤੋਂ ਵੱਧ ਵਸਤੂਆਂ ਦਾਨ ਕੀਤੀਆਂ ਹਨ।