ਇਸਲਾਮਾਬਾਦ – ਪਾਕਿਸਤਾਨੀ ਕ੍ਰਿਕਟਰ ਸ਼ੋਇਬ ਮਲਿਕ ਅਤੇ ਭਾਰਤੀ ਟੈਨਿਸ ਸਟਾਰ ਮਿਰਜਾ ਸਾਨੀਆ ਦਾ ਵਿਆਹ ਦੇ 12 ਸਾਲ ਬਾਅਦ ਤਲਾਕ ਹੋ ਗਿਆ ਹੈ। ਤਲਾਕ ਦੀਆਂ ਖ਼ਬਰਾਂ ਦੇ ਦਰਮਿਆਨ ਸੋਸ਼ਲ ਮੀਡੀਆ ਤੇ ਸ਼ੋਇਬ ਦੀਆਂ ਇੱਕ ਮਾਡਲ ਦੇ ਨਾਲ ਕੁਝ ਫੋਟੋਆਂ ਵਾਇਰਲ ਹੋ ਰਹੀਆਂ ਹਨ, ਜਿਸ ਵਿੱਚ ਉਹ ਪਾਕਿਸਤਾਨੀ ਮਾਡਲ ਆਇਸ਼ਾ ਕਮਰ ਦੇ ਨਾਲ ਵਿਖਾਈ ਦੇ ਰਹੇ ਹਨ। ਮਲਿਕ ਨੇ 2021 ਵਿੱਚ ਆਇਸ਼ਾ ਦੇ ਨਾਲ ਬੋਲਡ ਫੋਟੋਸ਼ੂਟ ਕਰਵਾਇਆ ਸੀ।
ਸਾਨੀਆ ਅਤੇ ਸ਼ੋਇਬ ਦੀ 12 ਅਪਰੈਲ 2010 ਨੂੰ ਹੈਦਰਾਬਾਦ ਵਿੱਚ ਨਿਕਾਹ ਹੋਇਆ ਸੀ। 15 ਅਪਰੈਲ ਨੂੰ ਲਾਹੌਰ ਵਿੱਚ ਰਿਸੈਪਸ਼ਨ ਦਿੱਤੀ ਗਈ ਸੀ। 2018 ਵਿੱਚ ਦੌਵਾਂ ਦੇ ਘਰ ਇੱਕ ਪੁੱਤਰ ਨੇ ਜਨਮ ਲਿਆ ਸੀ। ਪਰਿਵਾਰ ਦੇ ਕਰੀਬੀ ਦੋਸਤ ਦਾ ਕਹਿਣਾ ਹੈ ਕਿ ਦੋਵਾਂ ਦਾ ਆਫ਼ੀਸ਼ਲੀ ਤਲਾਕ ਹੋ ਗਿਆ ਹੈ ਅਤੇ ਦੋਵੇਂ ਵੱਖ-ਵੱਖ ਰਹਿ ਰਹੇ ਹਨ। ਮਲਿਕ ਇਸ ਸਮੇਂ ਪਾਕਿਸਤਾਨ ਵਿੱਚ ਹੈ ਅਤੇ ਸਾਨੀਆ ਦੁਬਈ ਵਿੱਚ ਹੈ। ਦੋਵਾਂ ਦੇ ਤਲਾਕ ਦੀ ਖ਼ਬਰ ਨੂੰ ਬਹੁਤ ਹਵਾ ਮਿਲ ਰਹੀ ਹੈ। ਸਾਨੀਆ ਨੇ ਆਪਣੀ ਲੇਟੇਸਟ ਪੋਸਟ ਵਿੱਚ ਲਿਿਖਆ ਸੀ, ‘ਟੁੱਟੇ ਦਿਲ ਕਿੱਥੇ ਜਾਂਦੇ ਹਨ?’ Where do broken hearts go.To Find Allah!
ਸ਼ੋਇਬ ਅਤੇ ਸਾਨੀਆ ਨੇ ਬੇਸ਼ਕ ਆਪਣੇ ਰਿਸ਼ਤੇ ਨੂੰ ਲੈ ਕੇ ਕੁਝ ਨਹੀਂ ਕਿਹਾ ਹੈ। ਦੋਵੇਂ ਆਪਣੇ ਬੇਟੇ ਦੀ ਪਰਵਰਿਸ਼ ਨੂੰ ਲੈ ਕੇ ਫਿਕਰਮੰਦ ਹਨ। ਸਾਨੀਆ ਮਲਿਕ ਦੀ ਦੂਸਰੀ ਪਤਨੀ ਹੈ। ਸ਼ੋਇਬ ਦੀ ਪਹਿਲੀ ਪਤਨੀ ਆਇਸ਼ਾ ਸਦੀਕੀ ਸੀ ਜੋ ਕਿ ਹੈਦਰਾਬਾਦ ਦੀ ਰਹਿਣ ਵਾਲੀ ਸੀ।