ਏਦਾਂ ਕਿੱਥੇ ਵਿਛੜ ਹੋਣਾ ਤੈਥੋਂ

ਏਦਾਂ ਕਿੱਥੇ ਵਿਛੜ ਹੋਣਾ ਤੈਥੋਂ
ਤਾਰਿਆਂ ਵਾਂਗ ਟੁੱਟਿਆ ਵੀ ਕਿੱਥੇ ਜਾਂਦਾ ਹੈ
ਅਸਮਾਨ ਤੋਂ

ਕਿਹਦਾ ਦਿੱਲ ਕਰਦਾ ਹੈ ਕਿ
ਡਾਲੀਆਂ ਪੱਤਿਆਂ ਨੂੰ ਛੱਡ
ਕਿਰ ਜਾਵੇ ਪਿਆਸੀ ਭੁੱਖੀ ਧਰਤ ‘ਤੇ-
ਤੇ ਮੁਕਤੀ ਦਾ ਰਾਹ ਦੱਸਦਾ ਫਿਰੇ
ਰਾਹੀਆਂ ਨੂੰ

ਨਹੀਂ ਇਹ ਮੈਥੋਂ ਨਹੀਂ ਹੋਣਾ-

ਤੈਨੂੰ ਕੀ ਪਤਾ
ਇਕ ਦੂਜੇ ਤੋਂ ਵਿਛੜਨ ਲੱਗਿਆਂ
ਕਿੰਨੇ ਪਰਬਤ ਪਾਟਦੇ ਨੇ-
ਸੁੱਕਦੇ ਨੇ ਕਿੰਨੇ ਸਮੁੰਦਰ
ਬਲਦੇ ਨੇ ਕਿੰਨੇ ਅਸਮਾਨ-

ਇਹ ਤੂੰ ਨਹੀਂ ਅਜੇ ਜਾਣਦੀ-

ਮੈਂ ਤਾਂ ਚਾਹੁੰਦਾ ਹਾਂ
ਆਪਾਂ ਹਰਫ਼ 2 ਸਤਰ ਬਣੀਏ ਤੇ ਫਿਰ ਵਾਕ
ਜੇ ਉਹੀ ਸਤਰਾਂ ਕਿਤੇ ਗੀਤ ਬਣ ਗਈਆਂ
ਤਾਂ ਕਈਆਂ ਦੀਆਂ ਰਾਤਾਂ ਦੇ ਹੰਝੂ ਚੁਗਣਗੀਆਂ
ਖਬਰੇ ਕਿੰਨੇ ਮਾਹੀ ਯਾਦਾਂ ‘ਚ ਆ ਵਿਛਣ

ਤੂੰ ਬਣ ਮੇਰੇ ਚੀਰੇ ਦਾ ਰੰਗ ਸਿੰਗਾਰ
ਤੇ ਮੈਂ ਤੇਰੀ ਚੁੰਨੀ ‘ਤੇ
ਚਮਕਾਂਗਾ- ਸਿਤਾਰਿਆਂ ਵਾਂਗ
ਤੇਰੇ ਮੱਥੇ ਤੇ ਟਿੱਕਾ ਬਣ ਸਜਾਂਗਾ-
ਲਹਿਰਾਵਾਂਗਾ ਕੰਨਾਂ ਤੋਂ- ਝੁੰਮਕੇ ਬਣ
ਤੇਰੀਆਂ ਪੰਜੇਬਾਂ ਦੀ ਛਣਕਾਰ ਬਣਾਂਗਾ ਮੈਂ
ਮਹਿੰਦੀ ‘ਚ ਲਿਸ਼ਕਾਂਗਾ- ਤੇਰੀਆਂ ਤਲੀਆਂ ਤੇ
ਵਟਣੇ ਦੀ ਮਹਿਕ ‘ਚ ਜਗਾਂਗਾ- ਤੇਰੇ ਅੰਗ 2 ਚ

ਨਹੀਂ ਏਦਾਂ ਨਹੀਂ ਵਿਛੜ ਹੋਣਾ ਤੈਥੋਂ
ਤੇ ਨਾ ਹੀ ਅਜੇ ਤੀਕ
ਏਦਾਂ ਦੀ ਮੌਤ ਕੋਈ ਮਰਿਆ ਹੈ
ਨਾ ਹੀ ਏਦਾਂ ਕਿਸੇ ਨੇ ਤਲੀ ਚੰਨ ਧਰਿਆ ਹੈ
ਨਾ ਹੀ ਮੁਹੱਬਤੇ-ਏ-ਝਨ੍ਹਾਂ ਕਿਸੇ ਨੇ ਅਜੇ ਇੰਜ਼ ਤਰਿਆ ਹੈ

This entry was posted in ਕਵਿਤਾਵਾਂ.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>