ਨਵਾਂ ਸਾਲ ਮੁਬਾਰਕ ਹੈ

ਆਉ ! ਜੀ  ਆਇਆਂ,   ਸਾਲ  ਮੁਬਾਰਕ ਹੈ।
ਮਹਿੰਗਾਈ ਸਿਰ ਚੜ੍ਹ ਬੋਲੀ , ਦਾਲ ਮੁਬਾਰਕ ਹੈ।

ਝੁੱਗੀਆਂ ਵਿਚ ਸੁੱਤੇ ਲੋਕੀਂ, ਠਰੂੰ -ਠਰੂੰ ਨੇ ਕਰਦੇ
ਜੋ ਠੰਡ ‘ਚ ਨੰਗੇ  ਫਿਰਦੇ,  ਬਾਲ  ਮੁਬਾਰਕ ਹੈ।

ਦੇਸ਼ ਮੇਰੇ ਦੇ  ਨੇਤਾ, ਹੁਣ ਕੌਡ – ਕਬੱਡੀ  ਖੇਡਣ
ਸੰਸਦ ਵਿਚ  ਹੂਰਾ- ਮੁੱਕੀ,  ਗਾਲ  ਬਰਾਬਰ ਹੈ।

ਅਮੀਰਾਂ ਦੀ ਤਾਨਾਸ਼ਾਹੀ, ਅੰਬਰੀਂ  ਉਡਾਰੀ ਮਾਰੇ
ਗਰੀਬਾਂ ਨੂੰ  ਫ਼ਹੁਣ  ਵਾਲਾ , ਜਾਲ  ਮੁਬਾਰਕ ਹੈ।

ਰਿਸ਼ਵਤ ‘ਤੇ  ਠੱਗੀ-ਠੋਰੀ, ਦਿਨ- ਦਿਹਾੜੇ ਹੋਵੇ
ਸਰਕਾਰ  ਮੇਰੀ ਦਾ  ਵੇਖੋ, ਖਿਆਲ ਮੁਬਾਰਕ ਹੈ।

ਧਰਮ  ਖਾਤਰ  ਚਲਣੀ, ਜੇ  ਦੇਸ਼ ਦੀ ਸਿਆਸਤ
ਵਾਹਿਗੁਰੂ ਤੇ ਅੱਲਾ, ਈਸਾ, ਗੁਪਾਲ ਮੁਬਾਰਕ ਹੈ।

ਨਸ਼ਿਆਂ  ਦੇ  ਸੁਦਾਗਰਾਂ  ਵੀ , ਕਸਰ ਨਾ  ਛਡੀ
ਡਗ- ਮਗਾਉਂਦੇ  ਪੈਰ  ਦੀ,  ਚਾਲ  ਮੁਬਾਰਕ ਹੈ।

ਅੱਜ ਨਾਰੀ ਦੀ  ਆਬਰੂ , ਮਹਿਫ਼ੂਜ਼  ਨਹੀਂ ਜਿਥੇ
ਬੇ -ਗੈਰਤੀ  ਦਾ ਆਇਆ, ਭੂਚਾਲ  ਮੁਬਾਰਕ ਹੈ।

“ਸੁਹਲ” ਜੇ ਇਸ ਤਰਾਂ, ਖ਼ੁਸ਼ੀਆਂ ਦੇ ਵਾਜੇ ਵਜਣੇਂ
ਬਜ਼ਾਰੀਂ  ਬਨਾਉਟੀ  ਵਿਕਦਾ, ਮਾਲ  ਮੁਬਾਰਕ ਹੈ।

This entry was posted in ਕਵਿਤਾਵਾਂ.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>