ਮਨੁੱਖੀ ਹੋਂਦ ਤਾਂ
ਸਿਰਫ ਇੱਕ ਬਿੰਦੂ ਹੈ
ਕਿਸੇ ਅਗਨੀ ਦਾ ਛਿਣ
ਕਿਸੇ ਰੇਤ ਦਾ ਕਿਣਕਾ
ਪਾਣੀ ਦਾ ਕੋਈ ਬੁਲਬੁਲਾ
ਹਵਾ ਦਾ ਕੋਈ ਬੁੱਲਾ …
ਜੋ ਬੇਚੈਨ ਹੋ
ਸਮੇਂ ਦੇ ਚੱਕਰਾਂ ‘ਚ ਘੁੰਮਦਾ ਹੈ!
ਹਰ ਅੰਸ਼
ਥੋੜ੍ਹਾ ਬਹੁਤ
ਸਕੂਨ ਚਾਹੁੰਦਾ ਹੈ …
ਕੁੱਝ ਰੰਗਾਂ ਵਿੱਚ ਡੁੱਬੇ ਪਲ
ਕੁੱਝ ਧੁੱਪਾਂ ਵਿੱਚ ਖਿਲਦੀਆਂ
ਦੁਪਹਿਰ ਖਿੜੀਆਂ ;
ਕੁੱਝ ਨਿਰਮਲ ਸ਼ੋਭਾ
ਤ੍ਰੇਲ ਤੁਪਕਿਆਂ ਵਰਗੀ
ਕੁੱਝ ਠੰਡਕ
ਜਿਵੇਂ ਸ਼ਾਮ ਢਲਦੀ
ਪਰ …
ਇੱਕ ਗੁਮਨਾਮ
ਖ਼ਲਾਅ ਦੇ ਮੱਥੇ ਦੀ ਤਿਉੜੀ
ਸਭ ਉਦਾਸੀਨ ਕਰ ਦਿੰਦੀ ਹੈ!
ਧਰਤ ਉਦਾਸੀਨ ਹੈ!
ਮਨੁੱਖ ਉਦਾਸੀਨ ਹੈ!
ਫੁੱਲ ਤਾਰੇ ਵੀ
ਮਨੁੱਖ ਨੂੰ
ਰੂਹ ਦੇ ਪੈਰੀਂ ਛਾਲੇ ਜਾਪਦੇ ਨੇ
… ਤੇ
ਫੁੱਲ,
ਤਾਰੇ
ਹੱਸ ਛੱਡਦੇ ਨੇ….!!
ਫੁੱਲ ਉਦਾਸੀਨ ਨੇ …
ਤਾਰੇ ਉਦਾਸੀਨ ਨੇ …