ਹਾਕਮ ਦੀ ਗਾਰੰਟੀ
ਅੱਸੀ ਕਰੋੜ ਨੂੰ ਮੁਫ਼ਤ ਰਾਸ਼ਨ
ਗ਼ਰੀਬਾਂ ਦੇ ਦਰ ‘ਤੇ!
ਪਰ ਰੁਜ਼ਗਾਰ ਦੀ ਗਾਰੰਟੀ
… ?
ਹਾਕਮ ਦੀ ਗਾਰੰਟੀ
ਬੁਲੇਟ ਟ੍ਰੇਨ ਦੀ ਆਮਦ!
ਪਰ ਸਸਤੇ ਸਫ਼ਰ ਦੀ ਗਾਰੰਟੀ
… ?
ਹਾਕਮ ਦੀ ਗਾਰੰਟੀ
ਮੁਫ਼ਤ ਸਿਹਤ ਸੇਵਾਵਾਂ!
ਪਰ ਦਵਾਈਆਂ ਤੇ ਡਾਕਟਰਾਂ ਦੀ ਗਾਰੰਟੀ
… ?
ਹਾਕਮ ਦੀ ਗਾਰੰਟੀ
ਲਾਜ਼ਮੀ ਤੇ ਮੁਫ਼ਤ ਸਿੱਖਿਆ!
ਪਰ ਸਕੂਲਾਂ ਤੇ ਅਧਿਆਪਕਾਂ ਦੀ ਗਾਰੰਟੀ
… ?
ਹਾਕਮ ਦੀ ਗਾਰੰਟੀ
ਮੁਫ਼ਤ ਬਿਜਲੀ ਤੇ ਪਾਣੀ!
ਪਾਣੀ ਤੇ ਬਿਜਲੀ ਆਉਣ ਦੀ ਗਾਰੰਟੀ
… ?
ਹਾਕਮ ਦੀ ਗਾਰੰਟੀ
ਬਣਨਾ ਵਿਸ਼ਵ ਗੁਰੂ!
ਪਰ ਰਾਜਸੀ ਕਿਰਦਾਰ ਦੀ ਗਾਰੰਟੀ
… ?